აბასთუმანში სტიქიის ზონაში ხანძრის სალიკვიდაციო სამუშაოებში სასულიერო პირებიც ჩაერთვებიან, – ამის შესახებ ჟურნალისტებს ახალციხისა და ტაო-კლარჯეთის მიტროპოლიტმა, მეუფე თეოდორე ჭუაძემ განუცხადა.
“ძალიან ბევრი ადამიანია ჩართული, მაგრამ ჩვენც გვაქვს სურვილი, რომ როგორც ლოცვით, ასევე ფიზიკურად ჩავერთოთ და მივიღოთ მონაწილეობა ცეცხლის ჩაქრობაში. ჩვენ მონასტრებში საკმაოდ გამოცდილი ადამიანები გვყავს, ბერებმა იციან მუშაობა და ახლა ველოდებით, რომელ მხარეს გაგვანაწილებენ, წავალთ სამუშაოდ და მივიღებთ ფიზიკურად მონაწილეობას ცეცხლის ჩაქრობაში”, – განაცხადა მეუფე თეოდორემ.
კომენტარები