აბასთუმანში, იმ ტერიტორიაზე სადაც ხანძარი იყო, სამუშაოების დაჩქარების მიზნით განსაკუთრებულ დავალებათა დეპარტამენტის დამატებითი ასეული შეიყვანეს.
შექმნილ ვითარებას შინაგან საქმეთა მინისტრი გიორგი მღებრიშვილი ადგილზე ეცნობა.
ამ დროისთვის აბასთუმნის ტყეში ხანძარი ლოკალიზებულია და ცოცხალი ძალის მიერ მიმდინარეობს სალიკვიდაციო სამუშაოები და ნიადაგის დამუშავება. სალიკვიდაციო სამუშაოებში ავიაცია არ არის ჩართული, თუმცა ვერტმფრენები ადგილზე რჩებიან და საჭიროების შემთხვევაში ოპერაციაში ისინიც ჩაერთვებიან.
წინასწარი მონაცემებით, ბორჯომის ხეობაში ხანძრის შედეგად დაახლოებით 200 ჰექტარი ტყის ფართობია დამწვარი.
კომენტარები