50-ზე მეტი მეხანძრე და სატყეო სააგენტოს წარმომადგენლები აბასთუმანში ხანძრის პრევენციის მიზნით მონიტორინგს აგრძელებენ. ამ ინფორმაციას საგანგებო სიტუაციების მართვის სააგენტო ადასტურებს. ამის შესახებ სააგენტო ipn-ი წერს.
საგანგებო სიტუაციების მართვის სააგენტოს ცნობით, ხანძარი ლიკვიდირებულია, თუმცა ადგილზე 50-ზე მეტი მეხანძრე ხანძარსაწინააღმდეგო ტექნიკასთან ერთად იმყოფება.
“ამ დროისთვის აბასთუმანში სიმშვიდეა. არსად არ გვაქვს ხანძრის კერა. თუმცა, ადგილზე სატყეო სააგენტოს თანამშრომლები და მეხანძრე-მაშველები რჩებიან და მონიტორინგს ახორციელებენ. რამდენ ხანს გაგრძელდება მონიტორინგის პროცესი, ჯერჯერობით ძნელი სათქმელია”, – აცხადებენ სააგენტოში.
ხანძარი აბასთუმანში 29 აგვისტოს, დღის მეორე ნახევარში გაჩნდა.
კომენტარები