ძლიერი წვიმის გამო ფოთში რამდენიმე ქუჩა დაიტბორა.
ფოთის მერის მოადგილე ნიკოლოზ გრიგოლიამ “პრაიმტაიმს” განუცხადა, რომ ქალაქში განლაგებული ყველა სატუმბი სადგური გამართულად მუშაობს, მაგრამ ქუჩების გარკვეული ნაწილი მაინც დატბორილია.
მერის მოადგილე ამბობს, რომ სახლების სარდაფებში წყალი არ ჩასულა, თუმცა ნალექმა ეზოები დატბორა.
ქალაქში მერიის შესაბამისი სამსახურები არიან მობილიზებული და ვითარებას აკონტროლებენ.
ფოთში ამ დრომდე წვიმს, თუმცა ქარი არ გაძლიერებულა.
კომენტარები