ბათუმში სასტუმრო ”ლეო გრანდში” გაჩენილი ხანძრის შედეგად 4 ადამიანი გარდაიცვალა. 10-მდე კი დაშავებულია. ბათუმის სასწრაფო დახმარების ცენტრში ამბობენ, რომ ხანძრის შედეგად დაშავებული ადამიანები საავადმყოფოებში არიან გადაყვანილები.
„ოთხი გარდაცვლილის ცხედარი შემთხვევის ადგილიდან სამხარაულის ექსპერტიზის ბიუროშია გადაყვანილი, 10 მოქალაქე ინტოქსიკაციით და სხვადასხვა სახის დაზიანებით ბათუმის კლინიკებშია გადანაწილებული. მათი დიდი ნაწილი არის ინტოქსიკაციით გადაყვანილი, ორი მოქალაქე კი, ხანძრიდან თავის დაღწევის დროს დაშავდა. ამ ეტაპზე, საავადმყოფოებში შემოყვანილთაგან არავის აქვს დამწვრობა და სიცოცხლისთვის შეუთავსებელი დაზიანება.
დაშავებულებს შორის არიან როგორც, საქართველოს, ისე თურქეთის მოქალაქეები. რაც შეეხება გარდაცვლილებს, მათი იდენტიფიცირება ამ დროისთვის არ არის შესაძლებელი, რადგან მათ არ ქონდათ საიდენტიფიკაციო დოკუმენტები. ადგილზე სასწრაფო დახმარების ბრიგადები არიან მობილიზებული“, – განაცხადა აჭარის ჯანდაცვის მინისტრმა ზაალ მიქელაძემ განუცხადა.