უკრაინის გენერალურმა პროკურატურამ ოდესის ყოფილ გუბერნატორ მიხეილ სააკაშვილზე ძებნა გამოაცხადა. ამის შესახებ უწყების პრესსამსახურზე დაყრდნობით ადგილობრივი მედია წერს.
“გენერალურმა პროკურატურამ მოამზადა და გადასცა უკრაინის ნაციონალური პოლიციის ხელმძღვანელს დადგენილება სააკაშვილზე ძებნის გამოცხადების შესახებ”- განაცხადა გენერალური პროკურატურის პრესმდივანმა.
უფრო ადრე უკრაინის გენერალურმა პროკურორმა იური ლუცენკომ მიხეილ სააკაშვილს უსაფრთხოების სამსახურში ნებაყოფლობით გამოცხადებისთვის 24-საათიანი ვადა მისცა.
პარლამენტში სიტყვით გამოსვლის დროს გენერალურმა პროკურორმა განაცხადა, რომ ვადის გასვლის შემდეგ სამართალდამცავი ორგანოები ყველაფერს გააკეთებენ იმისთვის, რომ სააკაშვილი გამოძიების წინაშე წარდგეს.
კომენტარები