თელავში, ერეკლე მეორის ქუჩაზე მანქანა ფეხით მოსიარულეს შეეჯახა, რის შედეგადაც, შუახნის ქალბატონი მძიმედ დაშავდა.
თვითმხილველების ინფორმაციით, “ოპელის” მარკის ავტომანქანა შუახნის ქალს იმ დროს დაეჯახა, როდესაც იგი გზის მონაკვეთის გადაკვეთას ცდილობდა.
შემთხვევის შედეგად, ფეხით მოსიარულემ სხეულის სხვადასხვა მოტეხილობა მიიღო. იგი თელავის რეფერალურ საავადმყოფოშია მოთავსებული.
მომხდარ ფაქტთან დაკავშირებით, გამოძიება 276-ე მუხლის პირველი ნაწილით დაიწყო, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც გამოიწვია ჯანმრთელობის მძიმე დაზიანება.
კომენტარები