მოკლული იური ვაზაგაშვილის და – მანანა ვაზაგაშვილი, სოციალურ ქსელში პოსტს აქვეყნებს:
“20 იანვარი ყველაზე საზარელი დღეა. ამ დღეს, სამი წლის წინ უამრავი ადამიანი შეძრა შენმა სადისტურმა მკვლელობამ, ჩვენთვის მუდმივი ტანჯვაა უშენობა. მკვლელების ახლობლებს და მათ მომხრეებს იმის მაგივრად, რომ რცხვენოდეთ და ცოტაოდენ სინდისი მაინც აწუხებდეთ არც იქ გასვენებენ გებრძვიან და ტალახს გესვრიან. ძნელია, ყველას აუხსნა და უთხრა სიმართლე, თავს იმით ვიმშვიდებ, რომ განგებამ ყველაფერი იცის, დანარჩენს რა ფასი აქვს, ჩვენი მკვდრების სახელი ხომ მაინც სჯობს…. მეცოდებით, არ სჯერდებით ზურასა და იურის ფიზიკურად მოსპობას და ცდილობთ, მათი სახელის შებღალვით, თავად დაიჯეროთ სიცრუე და საზოგადოების თვალში მკვლელობა გაამართლოთ! გავა კიდევ წლები,დაუვიწყარია ჩვენი ტკივილი, ამბავი მამისა, რომელმაც არავის, არც კაცსა და არც სახელმწიფოს არ აპატია შვილის ჩაცხრილვა გაუსამართლებლად, ამბავი იმ მამისა, რომელიც შვილის საფლავს გადაეფარა სამუდამოდ, რომელმაც თავგანწირვის მაგალითი უჩვენა ხალხს, რომელიც ერთი ჩვეულებრივი მოკვდავი იყო და რომელსაც სურდა, უბრალოდ, შვილებით ეხარა! უფალმა ნათელში გამყოფოს ძმაო, წარმომიდგენია, როგორ ხარ ჩახუტებული შენს მონატრებულ შვილებს იქ, ზეციურ ქვეყანაში.”-წერს მანანა ვაზაგაშვილი