ბათუმში, ბულვარში მშენებარე კორპუსიდან 13 წლის ბიჭი გადმოვარდა. როგორც ”ინტერპრესნიუსს” ბათუმის სასწრაფო სამედიცინო დახმარების ცენტრში განუცხადეს, დაშავებული ბათუმის დედათა და ბავშვთა სამედიცინო ცენტრში გადაიყვანეს.
ექიმების ინფორმაციით, მოზარდის მდგომარეობა მძიმეა და ის რეანიმაციულ განყოფილებაში იმყოფება.
როგორც თვითმხილველები ”ინტერპრესნიუსთან” საუბრისას აცხადებენ, მშენებარე კორპუსში ბავშვები თამაშობდნენ, რა დროსაც სიმაღლიდან 13 წლის ბიჭი ჩამოვარდა.
მომხდართან დაკავშირებით საქართველოს შინაგან საქმეთა სამინისტრომ გამოძიება “სისხლის სამართლის კოდექსის” 124-ე მუხლით დაიწყო, რაც გაუფრთხილებლობით ჯანმრთელობის ნაკლებად მძიმე, ან მძიმე დაზიანებას გულისხმობს.
წყარო:ინტერპრესნიუსი
კომენტარები