ტვ პირველის ეთერში ჟურნალისტის კითხვას – “უმცირესობებისთვის ქორწინების დაკანონებაზე და შვილად აყვანის საკითხზე რა აზრის ხართ”, პარტია “ლელოს” ლიდერმა მამუკა ხაზარაძემ შემდეგნაირად უპასუხა:
“მე ვფიქრობ, კანონი დარეგულირებულია. უფლებები ირღვევა, მაგრამ ეს არ ნიშნავს, რომ უმცირესობამ უმრავლესობას მოახვიოს თავს რაღაც, კონსტიტუციაში ლამაზად წერია, კარგად წერია, ამას უნდა გავყვეთ. ამას, მე მგონი, მეტი აფიშირება არ სჭირდება. რაც თქვენ თქვით, წინააღმდეგი ვარ – ქორწინებების. შვილი უნდა გაზარდოს დედამ და მამამ”, – განაცხადა ხაზარაძემ.
ცნობისთვის, 2017 წელს საქართველოს კონსტიტუციაში შეტანილი ცვლილებით, „ქორწინება, როგორც ქალისა და მამაკაცის კავშირი ოჯახის შექმნის მიზნით, ემყარება მეუღლეთა უფლებრივ თანასწორობასა და ნებაყოფლობას“. ძველ რედაქციაში ეწერა, რომ ოჯახი მეუღლეების თანასწორი ერთობა იყო.