“იზოლაციაში ვარ, რეგულაციების სრული დაცვით, რაც შეეხება ინფორმაციას, რომ ასთმა მაქვს, ეს სრული სიცრუეა”

სწრაფი ტესტის მიხედვით, კორონავირუსი დამიდასტურდა. დღეს, PCR ტესტი გავიკეთე და ველოდები საბოლოო პასუხს, – ამის შესახებ საფეხბურთო კლუბ „ფახთაკორის“ მთავარი მწვრთნელი, შოთა არველაძე საკუთარ „ფეისბუკ“ გვერდზე წერს.

ამასთან არველაძე მეგობრებსა და გულშემატკივრებს ყურადღებისა და თბილი წერილებისთვის მადლობას უხდის.

„ამჟამად იზოლაციაში ვარ, რეგულაციების სრული დაცვით. რაც შეეხება გავრცელებულ ინფორმაციას, რომ ასთმა მაქვს, ეს სრული სიცრუეა. ცხვორებაში არ მქონია ეს დაავადება. მადლობას გიხდით თბილი მესიჯებისთვის და ყურადღებისთვის”, – წერს არველაძე.