სამოქალაქო აქტივისტები „ექსპო ჯორჯიასთან”, სადაც პარტია „ქართული ოცნება – დემოკრატიული საქართველოს“ ყრილობა გაიმართება, საპროტესტო აქციას მართავენ.
აქციის მონაწილეებმა საროტესტო ბანერები მიიტანეს, ისინი შეძახილებით – „მონა” „სირცხვილია” მმართველი გუნდის წევრებს მიმართავდნენ, ასევე ცდილობდნენ ბანერების გაშლას, რის შემდეგაც პოლიციასა და პროტესტანტებს შორის დაპირისპირება მოხდა.
ცნობისთვის, დღეს, პარტია „ქართული ოცნება – დემოკრატიული საქართველოს“ ყრილობა გაიმართება და მას მთელი ქვეყნის მასშტაბით 400-მდე დელეგატი დაესწრება.
ყრილობა აირჩევს პარტიის ახალ თავმჯდომარეს და პარტიის პოლიტიკური საბჭოს განახლებულ შემადგენლობას.
როგორც ცნობილია პოლიტიკური საბჭოს გადაწყვეტილებით, პარტიის თავმჯდომარის პოსტზე წარდგენილი იქნება ირაკლი კობახიძის კანდიდატურა.
კომენტარები