სამხრეთ კორეის ერთ-ერთმა უმსხვილესმა არხმა MBC-მ ოლიმპიური თამაშების გახსნის ტრანსლაციის დროს ქვეყნების ნაკრებების წარდგენისას შეუფერებელი ფოტოები და აღწერა აჩვენა. არხმა ინციდენტის გამო მოგვიანებით ბოდიში მოიხადა.
უკრაინის ნაკრების წარდგენისას MBC-მ ჩერნობილის კატასტროფის ფოტო გამოიყენა, ჰაიტის წარდგენისას – ძალადობრივი პროტესტის ფოტო და პრეზიდენტის მკვლელობის ინფორმაცია, ელ სალვადორის წარდგენისას – ბიტკოინის ფოტო, თურქეთის წარდგენისას – მენაყინის და მომღერალის, კარდი ბის ფოტო.
ქვეყნების დასახასიათებლად არხმა ასევე საჭმლის ფოტოები გამოიყენა, იტალიისთვის – პიცა, იაპონიისთვის – სუში, ნორვეგიისთვის – ორაგული.
მარშალის კუნძულების აღწერაში ეწერა, რომ ის აშშ-ს ბირთვული პროგრამის გამოცდის ყოფილი პოლიგონია.
არხმა ოფიციალური ბოდიში მოიხადა.
“ზოგიერთი ქვეყნის წარდგენისას შეუფერებელი სურათები და აღწერები იყო გამოყენებული. ბოდიშს ვუხდით ამ ქვეყნებს, მათ შორის უკრაინას და ჩვენს მაყურებლებს”. – ნათქვამია განცხადებაში.
შემთხვევამ მაყურებლების ახშფოთება გამოწვია.
“Google-ში ნაპოვნი პირველივე ფოტო გამოიყენეს” – წერს ერთ-ერთი მომხმარებელი ფორუმზე.
“როგორც კორეელმა, უნდა ვთქვა, რომ ეს არასწორია და კორეელების უმეტესობა, ჩემი ჩათვლით, დაბნებული ან აღშფოთებულია”. – წერს კიდევ ერთი ინტერნეტ-მომხმარებელი.