დმანისში მომხდარ ინციდენტს უკვე მოჰყვა რეაგირება, თქვენ იდარდეთ დღევანდელ მომხდარ პროვოკაციაზე, რომელიც თქვენმა პარტიულმა ლიდერმა განახორციელა, საუბარია ნიკა მელიაზე, – ასე მიმართა პარტია „ქართული ოცნების“ თავმჯდომარემ, ირაკლი კობახიძემ ერთ-ერთი ტელეკომპანიის ჟურნალისტს.
ირაკლი კობახიძემ პარტიის მხარდამჭერებს მოუწოდა, მაქსიმალურად რეაგირების გარეშე დატოვონ ნებისმიერი პროვოკაცია.
„დმანისთან დაკავშირებით მინდა გითხრათ – ახალგაზრდა ბიჭი, რომელსაც ჰქონდა თავისი პრობლემები, ასეთი მეთოდებით გამოიწვიეს. რა თქმა უნდა, გამართლება არც ერთ შემთხვევაში არ აქვს იმას, რაც დმანისში მოხდა, მაგრამ როდესაც ასეთ ბინძურ პროვოკაციებს აწყობ და მერე კიდევ კითხვებს სვამ ამასთან დაკავშირებით, ეს არის სიბინძურის გაგრძელება. ყველა მოვუწოდებ – პროვოკაციებისგან კეთილი ინებონ და თავი შეიკავონ და ასევე მოვუწოდებ ჩვენს მხარდამჭერებს – მაქსიმალურად რეაქციის გარეშე დატოვონ ასეთი პროვოკაციები“, – განაცხადა ირაკლი კობახიძემ.
ნიკა მელია ირაკლი კობახიძეს ევროკავშირის წარმომადგენლობასთან მიეჭრა და სიტყვიერი შეურაცხყოფა მიაყენა.