ისრაელის ჯანდაცვის მინისტრის, ნიცან ჰოროვიცის თქმით, პირველადი კვლევებით, პირები, რომლებიც ბოლო 6 თვეში კორონავირუსის საწიანაღმდეგო ვაქცინის ორივე დოზით აიცრნენ, და ისინი, ვისაც მესამე, ე.წ. ბუსტერული დოზა აქვთ მიღებული, COVID-19-ის შტამ “ომიკრონისგან” დაცულები არიან. ინფორმაციას Sky News ავცრელებს.
“უახლოეს დღეებში “ომიკრონის” წინააღმდეგ ვაქცინის ეფექტურობის შესახებ უფრო ზუსტი ინფორმაცია გვექნება, მაგრამ უკვე არის ოპტიმიზმის საფუძველი, რადგან პირველადი დაკვირვებით, ისინი, ვინც ვაქცინირებულნი არიან ან გამაძლიერებელი დოზა აქვთ მიღებული, ამ ვარიანტისგან დაცულები არიან“, – აღნიშნა ისრაელის ჯანდაცვის მინისტრმა.
მისი თქმით, ამჟამად ვაქცინაციას ნამდვილად გადამწყვეტი მნიშვნელობა აქვს.
კომენტარები