„შავ ზღვაში რუსეთის არაპროგნოზირებადი ქცევის გათვალისწინებით, უკრაინასა და ევროკავშირს შორის სახმელეთო მარშრუტებზე შექმნილი „სოლიდარობის დერეფნები“ რჩება უკიდურესად მნიშვნელოვნად არა მხოლოდ ბიზნესინტერესებისთვის, არამედ უსაფრთხოების კუთხითაც“, – აცხადებს უკრაინის აგრარული პოლიტიკისა და სურსათის მინისტრი.
ნიკოლაი სოლსკის თქმით, აგვისტოში, უკრაინამ 4,5 მილიონი ტონა მარცვლეული გაიტანა ექსპორტზე, საიდანაც 3 მილიონი მარცვლეული ევროპული „სოლიდარობის დერეფნებით“, ხოლო 1,5 მილიონი ტონა შავი ზღვის პორტებით გავიდა.
„ომის დასრულების, ჩვენი გამარჯვების შემდეგ, რუსეთი კვლავ დარჩება ჩვენს მეზობლად და, როგორც ვხედავთ, ის არაპროგნოზირებადი მეზობელია. ასეთ პირობებში, ეს საკითხი – ალტერნატიული გზების აუცილებლად არსებობა მეგობრულ დემოკრატიებში უსაფრთხოების საკითხიც გახდა და მხოლოდ ბიზნესი აღარაა“, – განაცხადა მინისტრმა.