ახალციხის რაიონულმა სასამართლომ ცოლის ცემაში ბრალდებული ყოფილი პოლიციელის იაკობ ბლუაშვილის საქმეზე განაჩენი გამოაცხადა, მას წელიწადნახევრიანი პირობითი მსჯავრი მიესაჯა და 2 წლით გამოსაცდელი ვადა მიეცა. ინფორმაციას “სამხრეთის კარიბჭე” ავრცელებს.
სასამართლოზე მისმა ადვოკატმა განაცხადა, რომ იაკობ ბლუაშვილი დანაშაულს აღიარებს: “ვიცით, რომ გმამტყუნებელი განაჩენი იქნება, მაგრამ მინდა გაითვალისწინოთ, რომ ოჯახის მარჩენალი იაკობია, მიუხედავად იმისა რომ სამსახური არ აქვს, საოჯახო საქმეებს ის აკეთებს”, – თქვა ადვოკატმა.
ახალციხეში ოჯახში ძალადობის ბრალდებით სამართალდამცველი და მისი ძმა 16 აპრილს დააკავეს. 6 ივნისს კი რძლისა და ძმისშვილის ცემაში ბრალდებულთან საპროცესო გაფორმდა. გოჩა ბლუაშვილს 1 წლით პირობითი მსჯავრი და 100 საათით საზოგადოებისთვის სასარგებლო შრომა დაეკისრა.
წყარო: სამხრეთ კარიბჭე