ვიცით, რამდენად მძიმეა ინფრასტრუქტურული თვალსაზრისით ქალაქში არსებული მდგომარეობა, ძალიან ბევრი უნდა ვიმუშაოთ, – ამის შესახებ თბილისის მერმა კახა კალაძემ ფალიაშვილის ქუჩაზე სარეაბილიტაციო სამუშაოების დათვალიერების შემდეგ განაცხადა.
როგორც კახა კალაძემ განაცხადა, პროექტისთვის დედაქალაქის ბიუჯეტიდან დაახლოებით მილიონი ლარი გამოიყო.
როგორც კალაძემ აღნიშნა, დედაქალაქის რამდენიმე ქუჩაზე გზის სარეაბილიტაციო სამუშაოები 24-საათიან რეჯიმში მიმდინარეობს.
„მთავარი ის არის, რომ ამ მასშტაბის სამუშაოები ქალაქში არასდროს ჩატარებულა. ჩვენ ვიცით, რამდენად მძიმეა ინფრასტრუქტურული თვალსაზრისით ქალაქში არსებული მდგომარეობა. ძალიან ბევრი უნდა ვიმუშაოთ, მომავალ წელს კიდევ უფრო დიდი პროექტები უნდა გავაკეთოთ, რომ სიტუაცია გამოვასწოროთ. ჩვენ ოთხი წლით ვართ და ამ დროში რაც შეიძლება მეტი პროექტი უნდა განვახორციელოთ“, – განაცხადა კახა კალაძემ.