ოთო კახიძე თეა წულუკიანს სოციალურ ქსელში პასუხობს.
პასუხი თეა წულუკიანს
1. საზოგადოებას და პირველ რიგში ზაზა სარალიძეს ვპირდებოდით მკვლელებისთვის ხელის დამფარებლების გამოვლენას, თუ ასეთი რამ დადასტურდებოდა. წაიკითხეთ დასკვნა, იქ ნაცნობ გვარებსაც აღმოაჩენთ – თქვენი მოწონებული ირაკლი შოთაძით დაწყებული;
2. მიუხედავად იმისა, რომ შოთაძის პროკურატურამ ყველაფერი გააკეთა (როგორც ჩანს, თქვენი ხელდასხმით) სამხილების გასანადგურებულად, მაინც გამოვიძიეთ და დავადგინეთ ის პირი, ვისაც ორგანიზებულად აფარებდით ხელს. მტკიცებულებებიც დასკვნაშია და რეკომენდაციაც – დაიწყოს დევნა მ.კ.-ს მიმართ დავით სარალიძის ჯგუფურად მკვლელობის ბრალდებით;
3. საგამოძიებო კომისიის დასკვნის შემდეგ თქვენი უსირცხვილო და უტიფარი განცხადებაც მკვლელისთვის ხელის დაფარებაა, პროკურორ ფხაკაძის “ცარიელ მუშტს ურტყამდა” და “აშველებდა”-სთან ერთად;
4. რაც შეეხება ცივ იარაღს – მტკიცებულება, რომელზეც ჩანს, თუ როგორ იღებს მ.კ. იარაღს, ასევე ცივი იარაღის ესკიზი – დასკვნაშია. სად გააქრეს და სად წაიღეს – ამაზე კითხვები შოთაძესთან, ჩხრეკა მას უნდა ჩაეტარებინა, მაგრამ არ ჩაატარა, რადგან პასუხისგებაში მიცემის ნაცვლად, მკვლელისთვის ხელის დაფარება იყო და არის თქვენი ამოცანა.