2018 წლის 6 თვეში რეგისტრირებულია ქორწინების 10 373 და განქორწინების 5 075 შემთხვევა. ამის შესახებ ინფორმაციას საქართველოს სტატისტიკის ეროვნული სამსახური ავრცელებს.
საქსტატის ცნობით, ქორწინებისა და განქორწინების ყველაზე მაღალი მაჩვენებელი დედაქალაქშია.
კერძოდ, მიმდინარე წლის იანვარ-ივნისში, თბილისში -2 930 ქორწინების, ხოლო 1 912 განქორწინების შემთხვევაა დაფიქსირებული.
რაც შეეხება რეგიონებს, ქორწინების მაჩვენებლით ლიდერობს: იმერეთი -1 574 შემთხვევა, ქვემო ქართლი -1 220 და აჭარა- 1 142 შემთხვევა.
საქსტატის ცნობით, განქორწინების ყველაზე მაღალი მაჩვენებელი – 817 შემთხვევაა დაფიქსირებული იმერეთში, 506 – ქვემო ქართლში, ხოლო 422 შემთხვევა სამეგრელო-ზემო სვანეთში.
კომენტარები