” ჩვენ დავდგებით ჩვენი საზოგადოების გვერდით. როგორ შეიძლება, ცოდვა დაკანონდეს?!”

“როდესაც ჩვენ ვისაუბრეთ კომპეტენტურ პირებთან, მათ კითხვაზე პასუხი ვერ გაგვცეს”, – ამის შესახებ მამა შალვა კეკელიამ სამების საკათედრო ტაძარში ჟურნალისტებს მარიხუანას კულტივაციას და ექსპორტზე გატანის თაობაზე განუცხადა.
მისი თქმით, ცოდვის დაკანონება დაუშვებელია.
“ხელისუფლება გვეუბნება, რომ გადაწყვეტილი აქვს მარიხუანას კულტივირება. ისინი არ გვესაუბრებიან ჩვენ, მხოლოდ ამბობენ, რომ სამკურნალოდ უნდათ. ამაზე გვესაუბრება ჩვენ შინაგან საქმეთა და არა ჯანდაცვის სამინისტრო. თუ ჯანმრთელობასთან დაკავშირებითაა ცვლილებები, მაშინ ჯანდაცვის სამინისტროს რატომ არ ეკუთვნის ინიციატივა?! როგორც ჩანს, აქ საქმე არ გვაქვს სამედიცინო მოხმარებასთან. აქ არის დიდი გეგემები. მათ, როგორც ჩანს, სურთ, ჰქონდეთ მაღაზიები და ვიღაცის ბიზნესსფეროდ გადაიქცეს. როდესაც ჩვენ ვისაუბრეთ კომპეტენტურ პირებთან, მათ კითხვაზე პასუხი ვერ გაგვცეს. ჩვენ საუბარი გვქონდა მთავრობის კომპეტენტურ პირებთან და სახელმწიფო უწყებების წარმომადგენლებთან. ჯერ საჭიროა, დიალოგი დავიწყოთ, ჯერ გავარჩიოთ საკითხი. ჩვენ დავდგებით ჩვენი საზოგადოების გვერდით. როგორ შეიძლება, ცოდვა დაკანონდეს?!”, – განაცხადა შალვა კეკელიამ.