კითხვაზე, ჰქონდა თუ არა გიორგი გახარიას ივანიშვილის დავალებით მამუკა ხაზარაძესთან წილების დათმობაზე საუბარი?- შინაგან საქმეთა მინისტრმა განაცხადა: “არ მქონია, ეს ერთი და მეორე ჩვენ ეხლა ვსაუბრობთ მარეგულირებლის მიერ ფინანსური რეგულაციის ფარგლებში მიღებულ გადაწყვეტილებაზე. ამ გადაწყვეტილებაზე კომენტარს მე რა თქმა უნდა არ და ვერ გავაკეთებ. თუ მეკითხებით, როგორც ყოფილ ბიზნეს ომბუდსმენს, რა თქმა უნდა გიპასუხებთ,
რომ TBC ბანკი არის სისტემური ბანკი ქვეყნისთვის. დარწმუნებული ვარ, რომ ეს
ყველაზე კარგად ესმის ეროვნულ ბანკს და მარეგულირებელს. არ არსებობს დღეს ქვეყანაში ინსტიტუცია, რომელსაც უკეთესად ესმის „TBC ბანკის” ფინანსური სისტემისთვის მნიშვნელობა, ვიდრე ეს რეგულატორია. ამიტომ აქ ვერანაირი კითხვის ნიშნები ვერ იქნება, მით უმეტეს ჩემი მხრიდან და აქ ჩემი კომენტარები, მაშინ როდესაც რეგულატორი თავის მანდატშია შესული, აბსოლუტურად უადგილო და ზედმეტია”. – განაცხადა გიორგი გახარიამ.
“თიბისი” ბანკთან დაკავშირებით დასმულ შეკითხვებს შინაგან საქმეთა მინისტრმა “თბილისი მარიოტში” შსს-ს ადამიანის უფელბათა დაცვის დეპარტამენტის ფუნქციების გაზრდის შესახებ გამართული პრეზენტაციის შემდეგ უპასუხა