ვახტანგ გომელაური საფრანგეთის ეროვნული თავდაცვისა და უსაფრთხოების გენერალური სამდივნოს (SGDSN) დელეგაციას შეხვდა

სახელმწიფო უსაფრთხოების სამსახურის უფროსმა, ვახტანგ გომელაურმა საფრანგეთის ეროვნული თავდაცვისა და უსაფრთხოების გენერალური სამდივნოს (SGDSN) დელეგაციასთან შეხვედრა გამართა.
„დელეგაციას საფრანგეთის თავდაცვისა და ეროვნული უსაფრთხოების გენერალური სამდივნოს (SGDSN) უფროსის მოადგილე –  ფრანსუა-გზავიე დე ვუალემონი ხელმძღვანელობდა. შეხვედრის მიზანი კიბერუსაფრთხოების სფეროში უწყებათაშორისი გამოცდილების გაზიარება იყო. მხარეებმა საქართველოს სახელმწიფო უსაფრთხოების სამსახურსა და საფრანგეთის თავდაცვისა და ეროვნული უსაფრთხოების გენერალური სამდივნოს შორის ურთიერთთანამშრომლობის პერსპექტივები დასახეს“, – აცხადებენ სუს-ში.
მათივე ცნობით, შეხვედრას ესწრებოდნენ: საქართველოში საფრანგეთის ელჩი – პასკალ მენიე, სსიპ ოპერატიულ-ტექნიკური სააგენტოს დირექტორი – კობა კობიძე და სახელმწიფო უსაფრთხოების სამსახურის ადმინისტრაციის უფროსი – ნინო გიორგობიანი.