კახეთში, გურჯაანის რაიონის სოფელ ზემო კაჭრეთში ხანძარია. ცეცხლი ტყის ქვედა საფარსა და საძოვარს, ასევე, ეკალბარდსა და ბალახს უკიდია.
საგანგებო სიტუაციების მართვის სამსახურის ინფორმაციით, ადგილზე მობილიზებულია კაჭრეთისა და გურჯაანის 4 სახანძრო-სამაშველო მანქანა და 20-მდე მეხანძრე მაშველი. მათივე ცნობით, დასახმარებლად გასულია სიღნაღის, დედოფლისწყაროსა და თბილისის სახანძრო-სამაშველო ჯგუფები – 6 მანქანა და 30-მდე მეხანძრე მაშველი.
ცეცხლის ქრობის სამუშაოებში შინაგან საქმეთა სამინისტროს სასაზღვრო პოლიციის ვერტმფრენიც ჩაერთო. სიტუაცია კონტროლს ექვემდებარება.
კომენტარები