გუნდში სრული ჰარმონიაა და რაიმე დაპირისპირების საფუძველი არ არსებობს – დაპირისპირებაზე პოლიტიკურად ანგაჟირებული მედია საუბრობს. არ არის ბუნებრივი, რომ კახა კალაძესა და ირაკლი კობახიძეს ერთმანეთში რაიმე ამბიციების ჭიდილი ჰქონდეთ, – ამის შესახებ პარლამენტის პირველმა ვიცე-სპიკერმა, გია ვოლსკიმ ჟურნალისტებთან საუბრისას განაცხადა.
„გარდა იმისა, რომ ყველას ერთმანეთთან მეგობრობა გვაკავშირებს, არის განსაკუთრებული საქმიანი ურთიერთობები, რაც გამორიცხავს, რასაც თქვენ ამბობთ. ირაკლი კობახიძე რამდენად გაართმევს თავს, ეს მომავლის საკითხია, მაგრამ ყველა დარწმუნებული ვართ, მას შესწევს უნარი, იყოს კარგი ლიდერი, კარგი მეგობარი და თავისი განათლების ხარისხით კიდევ ერთხელ დაანახოს როგორც ქართულ საზოგადოებას, ასევე საერთაშორისო თანამეგობრობას, რომ პოლიტიკური გუნდის თავმჯდომარეს ღირსეული შემცვლელი ჰყავს”, – განაცხადა გია ვოლსკიმ.