მე მაინტერესებს, სახეაფარებული პოლიციელები მაინტერესებს ერთი, გაიხსენეთ ბერკუტელების ბედი, ტყუილად ჰგონიათ, რომ მერე ხელისუფლებას კიდე დავჭირდები, – ამის შსახებ „ევროპული საქართველოს“ ერთ-ერთმა ლიდერმა გიგი უგულავამ განაცხადა.
„იქნება ის რომ, მოვლენ საჩხუბრად, ვისაც ძალა ერჩის, უნდა იჩხუბოს, სხვა გზას არ ტოვებენ. კანონიდან, კონსტიტუციის, ჯანსაღი აზრის ფარგლებიდან გავიდა ეს ხელისუფლება. მე მაინტერესებს ერთი, სახეაფარებული პოლიციელები მაინტერესებს, გაიხსენეთ ბერკუტელების ბედი, ტყუილად ჰგონიათ, რომ მერე ხელისუფლებას კიდე დავჭირდები და იმას კიდე დავჭირდებით და ჩვენ ყველას დავჭირდებით. მათგან ყველანაირი სიგიჟე მოსალოდნელია. უნდა ვიყოთ მშვიდად, რა თქმა უნდა, გიჟები არიან. ამათ ახლა აქვთ ყველაზე საშინელი მდგომარეობა. ამათ ახლა ტანჯავთ კომპლექსი, რომ ვაი და ახლა ბიძინა წავიდა და ხალხმა არ იფიქროს, რომ ჩვენ კაცს ვეღარ ვიჭერთ, ამიტომ ახლა გაჩერდებიან. თუ არ გაჩერდებიან, ეს სპეკულაციაა“, – განაცხადა გიგი უგულავამ.
კითხვაზე, ელოდებით, რომ ვინმემ ნიკა მელიას გირაო შეიძლება გადაიხადოს, უგულავამ განაცხადა, რომ „ეგ სიბრიყვეც შესაძლებელია“.
„ჩვენ ვნახეთ, რაღაცა მოხალისე პიონერებივით ჩამდგარი, ვითომ ოპოზიცია, რომელიც გირაოს შესაძლებლობებზე ლაპარაკობდა. თუ მაგდენი ვერ გაუგია ელისაშვილს, რომ ამდენ ხალხს გირაოს შეგროვების შესაძლებლობა არ გვიჭირს და ყველანი, რა ვიცი, ლარ-ლარს, 10 ლარს, 50 ლარს დადებდა, ვისაც რა აქვს, დადებს, რომ ეს არ არის თემა, ამდენს თუ ვერ ხვდება, ის მართლა ბრიყვი საცოდაობაა, რაზე უნდა ვილაპარაკოთ“, – დასძინა უგულავამ.