გუნდი შეკრული და ერთიანია, ამიტომ მსგავსი რამ მოსალოდნელი არაა, – ასე უპასუხა „ქართული ოცნების“ პოლიტსაბჭოს წევრმა, შალვა პაპუაშვილმა ჟურნალისტის კითხვას, რამდენად მოსალოდნელია, რომ „ქართული ოცნების“ იმ წევრებმა, ვინც პარტიის საპარლამენტო სიაში გიორგი გახარიას წარდგენით მოხვდა, ახალი მთავრობის დამტკიცებას მხარი არ დაუჭირონ.
„თქვენ ნახეთ, რამდენად ერთიანი იყო საპარლამენტო უმრავლესობა ნიკა მელიასთვის უფლებამოსილების შეწყვეტის საკითხის განხილვის დროს. ჩვენ გვაქვს გუნდის შიგნით კომუნიკაცია და ამ კუთხით არანაირი განსხვავებული აზრი არ არსებობს“, – განაცხადა პაპუაშვილმა.
გიორგი გახარიამ პრემიერ-მინისტრის თანამდებობა დატოვა.
კომენტარები