მიხეილ სააკაშვილის განცხადებას საქართველოში დაბრუნებასთან დაკავშირებით უმრავლესობაში ეხმაურებიან. საქართველოს პარლამენტის თავმჯდომარის პირველი მოადგილე გია ვოლსკი ამბობს, რომ სააკაშვილმა ქვეყანაში ჩამოსვლა უკვე მეთექვსმეტედ დააანონსა.
“ცოტა რთულია იმ ქონების და იმ საკუთრების დატოვება, რაც თუნდაც უკრაინაში, ან ამერიკის შეერთებულ შტატებში გააჩნია, მაგრამ მეორეს მხრივ, თემა, რომ სხვისი ხელით, როგორც თვითონ ამბობს “ხელი გაანძრიეთ და ჩამოვალ” ეს არის მთავარი ფორმულა, რომელსაც გვთავაზობს. მე არ მინდა სარკასტული განცხადება გავაკეთო, მაგრამ ერთი კი მინდა ვთქვა, სამწუხაროა, რომ დღეს სააკაშვილი განაგებს იმ სიტუაციას, რომელიც სუფევს შალვა ნათელაშვილის ფანჩატურში,” – განაცხადა გია ვოლსკიმ.
კომენტარები