“მას ეს მიწა კი არ უნდა აკოცნინო – უნდა აჭამო. მისი მსხვერპლების საფლავიდან უნდა შეუგროვო და აჭამო”

მას ეს მიწა კი არ უნდა აკოცნინო – უნდა აჭამო. მისი თითოეული მსხვერპლის საფლავიდან უნდა შეუგროვო და აჭამო, – ასე ეხმიანება ექსპერტი დავით ქართველიშვილი საქართველოში მეგის ქარდავას ექსტრადიციას.

“პირველი იაფფასიანი პერფორმანსი მეგის ქარდავას მაინც ჩაატარებინეს თბილისის აეროპორტში. ჯერ კიდევ დილით – პლანეტის ნახევარი რომ ჩართო, ოღონდ საქართველოში არ ჩასულიყო, კიევში აყვანის დროს – “ოღონდ ქართველებთან საკანში არ მომათავსოთო” – რომ იხვეწებოდა, აეროპორტის საფრენ ბილიკს ეცა მუხლმოდრეკით და იმ მიწას დაუწყო კოცნა, რომელიც მას მთელი არსებით სძულს.
მას ეს მიწა კი არ უნდა აკოცნინო – უნდა აჭამო. მისი თითოეული მსხვერპლის საფლავიდან უნდა შეუგროვო და აჭამო. ამ მიწის სრულ რაოდენობას თვითონ შეჭამს, თუ “თანატრაპეზარების” წრეს თავად განუსაზღვარს საკუთარ თავს – მისი გადასაწყვეტია. მისი ცნობილი ფრაზა – “თვითშემოქმედებით კი არ ვიყავი დაკავებული” – გვახსოვს. მან კი მისი ბელადის სიტყვებიც დაიმახსოვროს კარგად, რომელმაც პილატისეულად მასზე ხელები უკვე დაიბანა: “ვინც ძალადობდა – ყველა უნდა დაისაჯოს, მით უმეტეს ის, ვისაც მე არც კი ვიცნობდი…”, – წერს  დავით ქართველიშვილი.