თეა თუთბერიძის შემდეგ, მეგის ქარდავას კიდევ ერთი ღია მხარდამჭერი გამოუჩნდა, ეს არის მაია ორჯონიკიძე, რომელიც მიიჩნევს, რომ ქარდავას წინააღმდეგ საქმეები რუსული “ეფესბეს” დაკვეთით იქნა შეთხზული და ყველა ბრალდება არის მითი.
“მეგის ქარდავაზე რუსული ფსბ-ს დაკვეთით შეთხზულია ისეთივე მითები,როგორც ბაჩანა ახალაიაზე და არა მხოლოდ მასზე. ყველა,ვისაც თავი არ დაუზოგავს საქართველოსთვის ბრძოლაში-უკლებლივ ყველას ტალახი ასხეს და სრულიად დაუსაბუთებელი ბრალდებები წაუყენეს ივანაშვილის მონა პროკურორებმა და მოსამართლეებმა,ჩვენებები კი ან წამება-დაშინებით, ან მოსყიდვით მიაცემინეს “მოწმეებს”!
ამ დროს მეგის ქარდავა დაჯილდოვებულია ვახტანგ გორგასლის და ღირსების ორდენებით. ეს ის მეგის ქარდავაა-განმუხურში ავტომატიანი რუსები რომ გაყარა ლამის მარტოკამ! გახსოვთ ალბათ ეს ცნობილი კადრები. რეჟიმი,რომლის დროსაც ციხეებში სხედან ბაჩანა ახალაია,რომა შამათავა,
ირაკლი ფირცხალავა, გიორგი ცააძე და სხვა არაერთი ვაჟკაცი და სამშობლოსთვის თავდადებული მამულიშვილი-არის ანტიქართული,ანტისახელმწიფოებრივი და მთლიანად მოღალატური! ამიტომ ამ რეჟიმისთვის მეგის ქარდავას გადაცემა იქნება დანაშაულის ტოლფასი შეცდომა!
მივმართავ საქართველოს მესამე პრეზიდენტს არ დაუშვას სამშობლოსთვის თავდადებული ვაჟკაცის-მეგის ქარდავას ექსტრადიცია რუსი ოლიგარქის კონტროლირებად საქართველოში,გამოიყენოს ამისთვის თავისი გავლენა! ყველაფერთან ერთად ეს მოტივაცია გახდება სხვა პატრიოტი ბიჭებისთვის ოქტომბრის გადამწვეტ დღეებში,რომ თავისუფლებისთვის ბრძოლას აზრი აქვს!
ვინც იზიარებთ ამ მოწოდებას,მოიწონეთ ეს პოსტი!”– წერს მაია ორჯონიკიძე.
მაია ორჯონიკიძემ ეს პოსტი მეგის ქარდავას საქართველოში ექსტრადიციამდე გამოაქვეყნა.
