ირაკლი ღარიბაშვილის თქმით, „ნაცმოძრაობის“ ლიდერი ნიკა მელია მიხეილ სააკაშვილის საქართველოში ჩამოსვლის წინააღმდეგია. ამ თემაზე პრემიერ-მინისტრმა გადაცემაში „არჩევნები 2021“ ისაუბრა.
„მისი საკუთარი გუნდის წევრები, მათ შორის ნიკა მელია არის წინააღმდეგი სააკაშვილის ამ პროვოკაციული ქმედების. მეტს გეტყვით, რა თქმა უნდა არავის სჯერა, რომ ჩამოვა. თვითონაც ამბობდა, რომ ეს არის მორიგი ტყუილი. ვინაიდან მან არ დააფინანსა საკუთარი პარტია და პრაქტიკულად უფულოდ ჩაატარებინა მთელი საარჩევნო კამპანია, ამ მიზნით თქვა რომ ჩამოვა. ჩამოვიდეს, რას იმუქრება?“, – განაცხადა პრემიერმა.
კომენტარები