პარლამენტის პირველი ვიცესპიკერის, გია ვოლსკის განცხადებით, ევროპარლამენტარ ვიოლა ფონ კრამონის განცხადება, რომ ევროკავშირს არც სურვილი აქვს და არც რესურსი, იშუამავლოს კიდევ ერთ არასაჭირო პოლიტიკურ კრიზისში, რომელიც მიხეილ სააკაშვილის საქართველოში დაბრუნების შემთხვევაში შეიქმნება, დამაფიქრებელია.
მისივე თქმით, “ნაციონალური მოძრაობისა“ და მისი სატელიტების მიზანია, ევროკავშირის თვალში საქართველო წარმოაჩინონ ველურ ქვეყნად.
„ვიოლა ფონ კრამონის განცხადება იმის შესახებ, რომ ევროკავშირს არც სურვილი არ აქვს და არც რესურსი, ჩაერიოს საკითხებში, დამაფიქრებელია. ეს მხოლოდ ვიოლა ფონ კრამონის განცხადება არ არის, ეს არის ევროკავშირის დამოკიდებულება საქართველოში არსებულ ვითარებასთან დაკავშირებით. „ნაციონალური მოძრაობის“ და მისი სატელიტების მიზანი არაა, კონკრეტული საქმეები იყოს განხილული. მიზანია, ევროკავშირის თვალში საქართველო წარმოაჩინონ ველურ ქვეყნად, სადაც აზრი არ აქვს არც არანაირ ჩარევას და არც საერთაშორისო თანამეგობრობის პოლიტიკურ მონაწილეობას. ეს მიზანი შეფარულია და ამ არჩევნების მიღმა იკითხება. უფრო ფართო დიაპაზონი და შეშფოთება იკითხება ევროკავშირის წარმომადგენელთა განცხადებაში“, – განაცხადა გია ვოლსკიმ.