კასპის რაიონში, სოფელ წინარეხის მიმდებარედ უნიკალური პროექტი „ჰოლივუდ სითი“ შენდება. პროექტს კომპანია SWEF LAND GROUP ახორციელებს, რომელიც სოციალურ ქსელში პროექტის შესახებ ინფორმაციასა და ვიდეომასალას ავრცელებს.
SWEF LAND GROUP-ის ცნობით, მრავალფუნქციური საცხოვრებელი კომპლექსი შექმნილია ცხოვრების ახალი სტანდარტების დასანერგად და საქართველოში კინოინდუსტრიის სფეროს განვითარებისთვის. საცხოვრებელი კომპლექსი შედგება კერძო ვილებისგან და თაუნ-ჰაუსებისგან, კეთილმოწყობილი ეზოებით და საცურაო აუზებით.
„მდიდარი ბუნება, სუფთა ჰაერი და ულამაზესი ლანდშაფტები ამ ადგილს კიდევ უფრო მიმზიდველს ხდიან. შენობა-ნაგებობები იდეალურად არის ინტეგრირებული გარემოსთან, ხოლო კომპლექსის კონცეფცია კიდევ უფრო მეტ გამწვანებას ითვალისწინებს. სრულყოფილი ინფრასტრუქტურის გარდა, კომპლექსში მოეწყობა კომერციული ფართები, გასართობი და სპორტული სივრცეები, კინოს შემსწავლელი ცენტრი და მაღალი სტანდარტების მქონე 5-ვარსკვლავიანი სასტუმრო“, – ნათქვამია პროექტის აღწერაში.