ჩვენ არ გვაქვს პრეტენზია ევროპულ კამპანიასთან, მაგრამ იმ დროს, როდესაც ევროპული კამპანიის სახელით მოღალატე უგულავა ჩამოდის ქალაქში, მაშინ როდესაც რუსული ფინანსებით მოდიან, ყოვლად მიუღებელია _ ასე გამოეხმაურო ფოთის საკრებულოს წევრი ” ქართული ოცნებიდან” ბაქარ ერაგია, გიგი უგულავას საინფორმაციო კამპანიას.
“ევროპული პერსპექტივა, რომელიც ჩვენი გაცხადებული მიზანია და ყველას გაცხადებული მიზანია ამ ქვეყანაში, მოსახლეობის 90 %-ს ალბათ ასე სურს, ჩვენ არ გვაქვს პრეტენზია, არც ევროპულ კამპანიასთან, მაგრამ იმ დროს, როდესაც ევროპული კამპანიის სახელით მოღალატე უგულავა ჩამოდის ქალაქში, რომლის გუბერნატორობის დროსაც დაიწყო ფოთის პორტის გაყიდვა. ჯერ 150 მილიონად გაყიდეს, მერე 700 მილიონი მოუგეს ერთ წელიწადში და ამის შემოქმედი ჩამოდის ფოთში და ლამაზი, ღიმილიანი სახით გვიმტკიცებს, რომ თვითონაა ევროპა, მაშინ როდესაც რუსული ფინანსებით მოდიან, დღემდე ჩნდება. მაშინ როდესაც ” სირცხვილიას” ადმინისტრატორი რუსეთში მცხოვრები არის. თვალში ნაცარს გვაყრიან. რა თქმა უბდა, ევროპული კამპანია სხვა რამ არის და ის არ ნიშნავს იმას, რომ რუსული ფულით აკეთო მოღალატეობრივი საქმე. ჩვენ ამ მოღალატეების წინააღმდეგი ვართ და არა ევროპის წინააღმდეგი. ევროპული მოძრაობა და მიქმედება არ არის ის, რაც მათ წარსულში ჩაუდენიათ, ან ეს პერიოდი აკეთებდნენ, მთელი მათი მოღვაწეობის განმავლობაში და უგულავა ფოთში ერთხელ უკვე დამარცხდა, აქედან წავიდა და კიდევ ერთხელ დამარცხებული წავა. ხალხს აგრესია აქვს
პოლიტიკაში ამ გადასაშენებელ დინოზავრებზე, რომლებმაც ფოთში მაგალითად, უამრავი ბიზნესი დააყაჩაღეს” _ განაცხადა ბაქარ ერაგიამ.
შეგახსენებთ, რომ რამდენიმე წუთის წინ ფოთში, „შინ ევროპისკენ” ფარგლებში მიმდინარე საინფორმაციო კამპანიის მონაწილეებს “ქართული ოცნების” მხარდამჭერები დაუპირისპირდნენ.
მოძრაობის წევრები ფოთის ბაზარში ბროშურებს არიგებენ. მათ და მმართველი პარტიის მხარდამჭერებს შორის, სიტყვიერი დაპირისპირება მოხდა.