თელავში, ნადიკვარის ქუჩაზე კულტურული მემკვიდრეობის სტატუსის მქონე საცხოვრებელი სახლის ნაწილი დაიწვა.
თავდაპირველად ცეცხლი სახურავს მოედო და მალე შენობაზე გავრცელდა. ხანძრის შედეგად არავინ დაშავებულა. მეპატრონემ შენობის დატოვება დროულად შეძლო.
ადგილზე ამ დრომდე მობილიზებულია სახანძრო-სამაშველო სამსახური და ხანძრის სალიკვიდაციო სამუშაოები მიმდინარეობს. წინასწარი ინფორმაციით, ხანძრის გამომწვევი მიზეზი გაუმართავი ელექტროგაყვანილობა გახდა.
ვითარებას ადგილზე გაეცნო თელავის მერი. ლევან ანდრიაშვილის განცხადებით, შესაბამისი ექსპერტიზის დასკვნის შემდეგ ადგილობრივი ხელისუფლება დახმარების ფორმაზე იმსჯელებს.
კომენტარები