ნაძალადევის რაიონში, მუხრანის ქუჩა N15-ის მიმდებარედ არსებულ შესახვევში გზის დამჭერი კედლის მოწყობა მიმდინარეობს. პროექტის ფარგლებში, 22 მ სიგრძისა და 3 მ სიმაღლის საყრდენი კედელი შენდება.
სამუშაოებს ნაძალადევის რაიონის გამგებელი ირაკლი ანდღულაძე გაეცნო და ადგილობრივ მცხოვრებლებს შეხვდა.
„მუხრანის ქუჩის შესახვევში, სადაც მხოლოდ გრუნტიანი გზა იყო, პირველ ეტაპზე კაპიტალურად შევაკეთეთ გზის საფარი, შემდეგ კი საჭირო გახდა საყრდენი კედლის მოწყობა. კედლის მშენებლობით თავიდან ავიცილებთ გზის ჩამოშლის საშიშროებას. მიმდინარე სამუშაოებით კმაყოფილია ადგილობრივი მოსახლეობაც“, – განაცხადა ირაკლი ანდღულაძემ.
აღნიშნულ მისამართზე გზის დამჭერი კედლის მოწყობისთვის ნაძალადევის რაიონის გამგეობამ ბიუჯეტიდან 60 000 ლარი გამოყო.
კომენტარები