ნაძალადევის რაიონში რეგისტრირებულ 22 საჯარო სკოლას შორის ინტელექტუალური შეჯიბრება „რა? სად? როდის?“ გაიმართა.
ღონისძიებაში მონაწილეობა 132-მა მოსწავლემ მიიღო.
პირველი ადგილის მფლობელები N143 საჯარო სკოლის მოსწავლეები გახდნენ, მეორე და მესამე ადგილები კი N133 და N112 სკოლებმა მოიპოვეს. სამივე გუნდის წევრებს საჩუქრად წიგნის მაღაზიის ვაუჩერები და სიგელები გადაეცათ.
საგანმანათლებლო ღონისძიება ნაძალადევის რაიონის გამგეობის დაფინანსებითა და ინტელექტუალური კლუბის „რა? სად? როდის?“ ორგანიზებით, გურამ თავართქილაძის სახელობის თბილისის სასწავლო უნივერსიტეტში გაიმართა.
კომენტარები