ძლიერი წვიმის გამო, ბათუმში ქუჩები დაიტბორა. ბათუმის მერიის ინფორმაციით, უხვ ნალექთან დაკავშირებით სალიკვიდაციო სამუშაოები მიმდინარეობს.
დატბორილ ადგილებზე შესაბამის სამსახურებთან ერთად იმყოფება ბათუმის მერი არჩილ ჩიქოვანი.
„ბათუმის წყალის“ მობილური ჯგუფების მიერ ხორციელდება სანიაღვრე ჭებისა და არხების გაწმენდითი სამუშაოები და შესაბამისი სალიკვიდაციო ღონისძიებები.
უხვი ნალექის გამო, კალაპოტიდან გადმოვიდა მდინარეები, რამაც გამოიწვია მიმდებარე ქუჩების დატბორვა.
შემოერთებულ ტერიტორიაზე დაფიქსირდა მიწის მასის ჩამოშლა. მერიის ინფორმაციით, წყლის დროულად გადინების მიზნით, გახსნილია ზღვაში გამსვლელი ყველა სანიაღვრე არხი.
კომენტარები