ბუჩიდან, ირპენიდან, ოდესიდან და სხვა ომგამოვლილი ქალაქებიდან, საქართველოში 30 უკრაინელი სტუმარი ჩამოვიდა. მათი უმრავლესობა ბავშვoა, რამდენიმე მათგანმა მშობლები ომში, ბრძოლის ველზე დაკარგა.
სტუმრებს პარლამენტის დიასპორისა და კავკასიის საკითხთა კომიტეტის თავმჯდომარე, ბექა ოდიშარია მასპინძლობს. უკრაინელი ბავშვები ბათუმს ესტუმრნენ, შემდეგი გაჩერება კი მცხეთაა, სადაც ისტორიული ქალაქის ღირსშესანიშნაობებს დაათვალიერებენ.
ხუთშაბათს, საქართველოს პარლამენტში ოფიციალური მიღება გაიმართება და მათ საკანონმდებლო ორგანოს თავმჯდომარე და პარლამენტის წევრები შეხვდებიან, თბილისის მერიის ხელშეწყობით კი, ისინი ეწვევიან მოზარდ მაყურებელთა თეატრს, ბოტანიკურ ბაღს, მთაწმინდის პარკს.
უკრაინელი სტუმრები ასევე მონაწილეობას მიიღებენ თელავში დაგეგმილ ერეკლეობის ღონისძიებაზე, რომელიც 7 ნოემბერს გაიმართება.