რუსთავის საკრებულოს აპარატის თანამშრომლები ამტკიცებენ, რომ საკრებულოს თავმჯდომარე და პარტია „საქართველოსთვის“ წევრი მათ პოლიტიკური ნიშნით ავიწროებს და თანამდებობების დატოვებას აიძულებს.
როგორც საკრებულოს აპარატის უფროსი არჩილ ძამაშვილი ამბობს, საკრებულოს თავმჯდომარემ, ნოდარ შეროზიამ მას მრჩევლად გადასვლა მოსთხოვა, რაზე უარის მიღების შემდეგაც მას სიტყვიერი შეურაცხყოფა მიაყენა.
დაუმორჩილებლობის შემდეგ, შეროზიამ თანამშრომლები უფასო საწვავის გამოყენების აკრძალვით დაასანქცირა.
თანამშრომელთა მიმართვის საფუძველზე შრომის ინსპექციამ მოკვლევა ჩაატარა და დაადგინა, რომ რუსთავის საკრებულოს წევრების მიმართ დამაშინებელი, მტრული და არასტაბილური სამუშაო გარემოა. შრომის ინსპექციის მიერ შედგენილი დოკუმენტი საფუძველი გახდა, რომ წარმომადგენლობითი ორგანო დაეჯარიმებინათ.