ჩვენ გვაქვს გზავნილი ყველას მიმართ, რომ ტერიტორიული მთლიანობის აღდგენა უნდა განხორციელდეს მხოლოდ მშვიდობიანი ფორმით და, ტერიტორიული მთლიანობის აღდგენასთან ერთად, მნიშვნელოვანია ნდობის აღდგენა აფხაზებთან, ოსებთან, – ამის შესახებ პარტია „ქართული ოცნების“ თავმჯდომარემ, ირაკლი კობახიძემ განაცხადა.
კობახიძის თქმით, ეს უნდა იყოს ხელისუფლების პოლიტიკის მთავარი ხაზი.
„გახსოვთ, ოპოზიციაში გამოთქვამდნენ მზადყოფნას, რომ ნებისმიერი საბაბი გამოეყენებინათ მეორე ფრონტისთვის, მათ შორის საუბარი იყო აფხაზეთსა და ცხინვალში ტანკებით შესვლაზე. ჩვენ გვაქვს გზავნილი ყველას მიმართ, რომ ტერიტორიული მთლიანობის აღდგენა უნდა განხორციელდეს მხოლოდ მშვიდობიანი ფორმით და, ტერიტორიული მთლიანობის აღდგენასთან ერთად, მნიშვნელოვანია ნდობის აღდგენა აფხაზებთან, ოსებთან. ეს უნდა იყოს ჩვენი პოლიტიკის მთავარი ხაზი. აქედან გამომდინარე, ჩვენ ბოლომდე გავყვებით იმ პრინციპებს, რომლებიც, მათ შორის, დღევანდელ განცხადებაში იყო ასახული“, – განაცხადა ირაკლი კობახიძემ.