როგორც კი სტრასბურგის ადამიანის უფლებების სასამართლომ ზუსტი დიაგნოზი დაუსვა სააკაშვილის საქმეს, რომ ეს იყო ტყუილი, სააკაშვილმა მაშინვე შეიცვალა რიტორიკა, – ამის შესახებ პარლამენტის იურიდიული კომიტეტის თავმჯდომარის პირველმა მოადგილე, დავით მათიკაშვილმა „ქრონიკაში“ განაცხადა.
„მთელი 600 დღის განმავლობაში იყო მუდმივი სპეკულაცია იმაზე, რომ სააკაშვილის ჯანმრთელობა ისეა შერყეული, რომ მისი ბოლო მოახლოებულია. როგორც კი სტრასბურგის ადამიანის უფლებების სასამართლომ ზუსტი დიაგნოზი დაუსვა სააკაშვილის საქმეს, რომ ეს იყო ტყუილი, [სააკაშვილმა] მაშინვე შეიცვალა რიტორიკა. აღმოჩნდა, რომ თურმე სააკაშვილი არის მოსურნე, რომ ჩაერთოს საკუთარი სასამართლო პროცესების მიმდინარეობაში, აკეთოს პოლიტიკური განცხადებები და ა.შ. ტყუილის და მანიპულაციების მთელი კასკადი რომ იყო საქართველოს წინააღმდეგ ამ 600 დღის განმავლობაში, ამაში ხომ საზოგადოებას ეჭვი აღარ ეპარება?! დღეს მოვისმინეთ უტიფარი შეტევა საქართველოს პარლამენტის თავმჯდომარეზე. ბოდიში თუ ვინმეს მართლა აქვს მოსახდელი ამ ქვეყანაში, აქვს სააკაშვილს და „ნაციონალურ მოძრაობას“, – განაცხადა მათიკაშვილმა.