ყველაფერს გავაკეთებთ, რათა საქართველოსთან აქტიურად ვითანამშრომლოთ, საპარლამენტო დიპლომატია განსაკუთრებით მნიშვნელოვანია ამ პროცესში, – ამის შესახებ ფრანკონფონიის საპარლამენტო ასამბლეის პრეზიდენტმა, ფრენსის დრუენმა განაცხადა.
ფრენსის დრუენი ფრანკოფონიის საპარლამენტო ასამბლეის (APF) 48-ე სესიაში მონაწილეობს, რომელსაც საქართველოს პარლამენტი მასპინძლობს.
„მოხარული ვარ, რომ საქართველოში ჩამოვედი, რადგან ძალიან მნიშვნელოვანია ეს შეხვედრა. მოხარული და მადლობელი ვარ თქვენი ქვეყნის, რომ გვმასპინძლობს. ძალიან მნიშვნელოვანია ჩვენს ორგანიზაციაში საქართველოს ასოცირებულ წევრად მიღება იმის გათვალისწინებით, რაც ხდება მსოფლიოში და საქართველოს სამეზობლოში. ამიტომ, ყველაფერს გავაკეთებთ იმისთვის, რომ აქტიურად ვითანამშრომლოთ და საპარლამენტო დიპლომატია განსაკუთრებით მნიშვნელოვანია ამ პროცესში“, – განაცხადა ფრენსის დრუენმა.