არცერთი ღირებული არგუმენტი მეორე მოსმენის პირობებში ოპოზიციური ფლანგისგან, ისევე როგორც არასამთავრობო ორგანიზაციებისგან, არ ყოფილა წარმოდგენილი. ამაში გასაკვირი არაფერია, რადგანაც რეალურად არგუმენტი გამჭვირვალეობის კანონის წინააღმდეგ არ არსებობს, – ამის შესახებ დავით მათიკაშვილმა განაცხადა.
პარლამენტის იურიდიული კომიტეტის თავმჯდომარის პირველმა მოადგილემ კანონპროექტის მიზანზე ისაუბრა.
„ამ კანონპროექტს აქვს ერთადერთი მიზანი – ეს არის არასამთავრობო სექტორისა და მედიასაშუალებების გამჭვირვალობა, რომელიც ისეთივე გამჭვირვალე უნდა იყოს ჩვენს ქვეყანაში, როგორიც არის მაგალითად ქვეყნის ბიუჯეტი, პარლამენტის წევრების შემოსავლები და ხარჯები. ყველაფერი ჩვენს ქვეყანაში არის გამჭვირვალობის ძალიან მაღალ ზღვარზე. ერთადერთი ბურუსით მოცული სექტორი არის „ენჯეო“ სექტორი და მათ აუცილებლად უნდა შეასრულონ ეს ვალდებულებები ქვეყნის წინაშე“, – განაცხადა მათიკაშვილმა.
იურიდიული კომიტეტის შემდეგ „ უცხოური გავლენის გამჭვირვალობის „ შესახებ კანონპროექტს დღეს პარლამენტში პლენარულ სხდომაზე განიხილავენ.