არაბთა გაერთიანებულ საამიროებში მსოფლიო მთავრობათა სამიტი გრძელდება – დუბაიში სხვადასხვა სახელმწიფოების ლიდერები და საერთაშორისო ორგანიზაციები მომავლის მთავრობათა ჩამოყალიბებაზე სასაუბროდ შეიკრიბნენ.
სამიტის მონაწილეებს ირაკლი კობახიძემ სიტყვით უკვე მიმართა. ვიზიტის ფარგლებში ჩანიშნულია არაერთი მაღალი დონის შეხვედრა.
როგორც ცნობილია, გარდა საქართველოს მთავრობის მეთაურისა, შეხვედრებს მინისტრთა კაბინეტის წევრებიც გამართავენ. ქართული დელეგაცია აღნიშნავს, რომ ამგვარი პლატფორმა კარგი საშუალებაა სხვადასხვა ქვეყნის პირველ პირებთან და საერთაშორისო ორგანიზაციების წარმომადგენლებთან დიალოგისთვის.
ვიზიტის ფარგლებში საქართველოს მთავრობის მეთაური ქართულ დელეგაციასთან ერთად უკვე შეხვდა ქუვეითის პრემიერ-მინისტრს. ამის შესახებაც ირაკლი კობახიძემ სოციალურ ქსელ X-ზეც დაწერა.