თეთრ სახლში დონალდ ტრამპთან გამართულ პრესკონფერენციაზე საფრანგეთის პრეზიდენტმა, ემანუელ მაკრონმა განაცხადა, რომ „არსებობს საფუძვლიანი მიზეზი“ ვლადიმირ პუტინთან დიალოგის განახლებისთვის.
„იყო ძლიერი და შეკავების მექანიზმების ქონა გვაძლევს გარანტიას, რომ შეთანხმება დაცული იქნება“, – აღნიშნა მაკრონმა.
მისი თქმით, აშშ-ს აქვს შესაბამისი შესაძლებლობები, რათა ეს უზრუნველყოს.
მაკრონმა ასევე განმარტა, რომ მისი მიზანია ისეთი შეთანხმების მიღწევა, რომელიც „შეიძლება შეფასდეს, შემოწმდეს და დადასტურდეს“.
„მნიშვნელოვანია, რომ მოკლევადიან პერსპექტივაში შევქმნათ საკმარისი გარანტიები“, – დასძინა მან.
საფრანგეთის პრეზიდენტის თქმით, ევროპელი ლიდერები მზად არიან ჩართულობისთვის, თუმცა აუცილებელია ამერიკული მხარდაჭერაც.
„მე შევწყვიტე ჩემი დიალოგი პრეზიდენტ პუტინთან ბუჩას მოვლენებისა და ომის დანაშაულების შემდეგ, რადგან ჩავთვალე, რომ იმ დროს მისგან არაფრის მიღება არ შეგვეძლო. ახლა კი დიდი ცვლილებაა, რადგან აშშ-ში ახალი ადმინისტრაციაა“, – დასძინა მან.