აშშ-ის სახელმწიფო მდივანმა, მარკო რუბიომ განაცხადა, რომ ამერიკის შეერთებულმა შტატებმა, შესაძლოა, უარი თქვას შუამავლობაზე რუსეთ-უკრაინის კონფლიქტის დარეგულირების საკითხში, თუ რამდენიმე დღეში ამ მიმართულებით პროგრესს არ დაინახავს. ინფორმაციას Reuters-ი ავრცელებს.
როგორც ამერიკის პირველმა დიპლომატმა პარიზში ევროპელ კოლეგებთან გამართული შეხვედრების შემდეგ განაცხადა, აშშ-ის პრეზიდენტი, დონალდ ტრამპი სამშვიდობო შეთანხმების მიღწევის მომხრეა, მაგრამ მას სხვა პრიორიტეტებიც აქვს.
„ჩვენ არ ვაპირებთ ამ სამუშაოს გაგრძელებას კვირების და თვეების მანძილზე. ასე რომ, ახლა ჩვენ ძალიან სწრაფად, რამდენიმე დღეში, უნდა გადავწყვიტოთ, რამდენიმე კვირაში შესრულებადია ეს [ცეცხლის შეწყვეტა], თუ არა. თუ კი, ჩვენ საქმეში ვართ, თუ არა, ჩვენ სხვა პრიორიტეტები გვაქვს“, – თქვა რუბიომ.