რომის პაპის ფრანცისკეს სურვილით იგი არა ვატიკანში, არამედ რომში იქნება დაკრძალული, რამაც უსაფრთხოების ზომების გაძლიერება გამოიწვია. ინფორმაციას SkyNews-ი ავრცელებს.
რომის პაპთან გამოსამშვიდობებლად მსოფლიოს სხვადასხვა ლიდერები იკრიბებიან. ახლა კარაბინერების მთავარი მიზანი – წმინდა პეტრეს მოედანზე უსაფრთხოების უზრუნველყოფაა, რაც არც თუ ისე ადვილი ამოცანაა, რადგან ვატიკანში რომის პაპთან გამოსამშვიდობებლად ასობით ათასი ადამიანი ჩადის.
დღეს წმინდა პეტრეს მოედანზე 200 000-ზე მეტ ადამიანს და 130-მდე დელეგაციას ელოდებიან. ცერემონია, როგორც წესი, დაახლოებით 2,5 საათს გრძელდება და მას იტალიელი სასულიერო მოღვაწე, რომის კათოლიკური ეკლესიის კარდინალ-ეპისკოპოსი, ვატიკანის სახელმწიფოს დიპლომატი, კარდინალთა კოლეგიის ვიცე-დეკანი ჯოვანი ბატისტა რე წარუძღვება.
პაპ ფრანცისკეს რომის სანტა-მარია-მაჯორეს ბაზილიკაში დაკრძალავენ და არა წმინდა პეტრას ბაზილიკაში ვატიკანში, როგორც მის წინამორბედებს.