ადამიანი ვირთხის ხასიათით, სიტყვა გაიძურწოს არ უნდა ხმარობდეს, – ასე უპასუხა ჟურნალისტებთან საუბრისას საქართველოს პარლამენტის თავმჯდომარის პირველმა მოადგილემ გიორგი ვოლსკიმ სამოქალაქო საზოგადოების ფონდის ევროინტეგრაციის პროგრამის მენეჯერის მორიგ შეტევას საქართველოზე.
გიორგი ვოლსკის თქმით, ვანო ჩხიკვაძე რევოლუციონერი ადამიანია, რომელსაც არანაირი ეროვნული ინტერესი არ გააჩნია.
„სიტყვა – გაიძურწოს მაგის სათქმელი არ არის, მით უმეტეს, არ ეკუთვნის იგი „ქართულ ოცნებას“, რომელიც ასოცირების ხელშეკრულების მიხედვით ყველაზე წინ არის დღეს კანდიდატ ქვეყნებს შორის პროცენტული მაჩვენებლით, რომელიც ასახავს ასოცირების ხელშეკრულებით გათვალისწინებული ვალდებულებების შესრულებას. ასე, რომ ვანო გაძურწული თვითონ ქართული საზოგადოებიდან, რასაკვირველია ამას არ უნდა ამბობდეს. ეს არის სამარცხვინო.
ეს არის ადამიანი, რომელიც ცდილობს როგორმე ისე მოხდეს სიტუაცია, რომ ევროკავშირთან უთანხმოების თემა გამოყენებული იყოს იმისათვის, რათა საქართველოში მოხდეს მეიდანი და ადამიანების დაპირისპირება, სისხლის ღვრა. ეს არის რევოლუციონერი ადამიანი, რომელსაც არანაირი ეროვნული ინტერესი არ გააჩნია“, – აღნიშნა გიორგი ვოლსკიმ.
ვანო ჩხიკვაძე ბრიუსელს ზომების მიღებას სთხოვს, მათ შორის უვიზო მიმოსვლის შეჩერებას. გამოქვეყნდა სტატია, რომელიც სიცრუეზეა აგებული.