საპარლამენტო საგამოძიებო კომისიას საქმიანობის ვადა 5 ივნისამდე გაუგრძელდება, – განაცხადა პარტია „ქართული ოცნების“ აღმასრულებელმა მდივანმა, საპარლამენტო უმრავლესობის ლიდერმა, ფრაქცია „ქართული ოცნების“ თავმჯდომარემ მამუკა მდინარაძემ დღეს გამართულ ბრიფინგზე.
მისივე თქმით, კომისიისთვის ვადის გაგრძელების თხოვნით მათ დღეს საგამოძიებო კომისიის თავმჯდომარემ მიმართა.
„საპარლამენტო უმრავლესობა შევთანხმდით და მივიღეთ გადაწყვეტილება, როგორც ეს დაანონსებული გვქონდა წინა პერიოდშიც, რომ საპარლამენტო საგამოძიებო კომისიას გავუგრძელებთ საქმიანობის ვადას 5 ივნისამდე, როგორც ეს საგამოძიებო კომისიის თავმჯდომარემ დღეს მოითხოვა საქართველოს პარლამენტიდან. საზოგადოება ნათლად ხედავს, რომ ფაქტობრივად, ამოუწურავია „ნაცმოძრაობის“ კრიმინალური რეჟიმის უმძიმეს დანაშაულთა ნუსხა. თუმცა, როგორც ვხედავთ კომისია ცდილობს, მაქსიმალურად მოკლე ვადებში მცირე ნაწილი მაინც გამოიკვლიოს იმ სისასტიკიდან, რომელიც დღეს პოლიტიკოსად წოდებულმა აგენტურამ დაატეხა ქვეყანას“, – განაცხადა მდინარაძემ.